O Concello da Coruña colabora co desenvolvemento do Programa de impulso da empregabilidade de persoas coa Síndrome de Down e outras discapacidades intelectuais cunha achega de 35.000 euros durante o ano 2025.
Esta iniciativa ten como finalidade favorecer a inclusión social e laboral, mediante accións de formación, acompañamento e seguimento individualizado, orientadas ao acceso e mantemento no emprego ordinario.
A través deste programa, desenvólvense tamén actividades de apoio en empresas e formación en habilidades sociolaborais, contribuíndo á autonomía e participación activa das persoas usuarias.
Desde a entidade queremos expresar o noso agradecemento ao Concello da Coruña polo seu apoio, fundamental para a continuidade do programa e para a mellora das oportunidades de inclusión das persoas con discapacidade intelectual.
